خال العروسه
حي العصا فره باسكندريه من اكتر الأحياء تكد سا بالسكان حتى إن الإسكندرانيه بيسموها الصين الشعبية من كتر الناس اللي فيها0
أختي ساكنه هناك وبنتها جايلها عريس عاوز يخطبها ولا بد من حضوري لان البنت يتيمه وأنا خالها الكبير ومعتبرا ني في مقام أبوها الله يرحمه وأم الأولا د قالت0لازمن كلنا نروح الخطوبة عشان خاطر البنت تتشرف بينا0المهم حضرنا نفسنا ولبسنا اللي علي الحبل0 واشتريت د سته جاتوه من اللي سعره متهاود وركبنا قطار ابو قير ونزلنا العصا فره وسألت علي الكاريته اللي رايحه (أبوخروف) اسم مكان سكن اختي0 والكاريته للي مايعرفهاش عربيه خشب مجهزه لركوب الناس علي كرسيين بالطول وكرس أمامي للسواق وجنبه مكان لتلات افراد0 ومكتوب علي جانبيها عبارات مثل ماتبصليش بعين رد يه بص للي ادفع فيه0ياناس ياشر كفايه( ار) 0وبيجرها حصان عاوز محلول معالجة الجفاف0وقبل ما نركب شخط فينا العربجي0 وسنه لا يتجاوز اتناشر سنه بالكتير0الولد الصغير عليه نفر والنفر بربع جنيه0وجاوبته أم العيال0حاقعـده علي حجري يابني0ورد0ماهو بتقولوا كده وبعدين ألاقيه علي الكرسي0وركبت بجانب العربجي عشان الجاتوه مايتبهدلش وناولته الجنيه0 أجرتي أنا وأم العيال والولد والبنت الكبار0 ومشت العربيه وياد وب مافيش د قايق ولقيت ولد راكب عجله ظهر قدام العربيه فجأه والحصان برك فوقه0ولقيتني فوق الحصان والجاتوه ملحوس وشي وهد ومي وبصيت علي الولا د ولقيت كل الركاب فوق بعضهم وربك ستر لان الأجسام حمت بعضها ولكن الولد الصغير حصله ملخ في د راعه وجرينا بيه علي مبرة العصا فره وعملوا له اللازم0 وعملوا مع جيبي الواجب التمام 0 وأمه مابطلتش عياط من ساعة ماوقع لحد ماخلص علاج0 وابتدأت انظر إلي هد ومي وأحاول انضفها بايدى عشان أقد رأمشي في الشارع0 وركبنا القطار ورجعنا لبيتنا!!0
__________________
((آمـن بالله تأمـن))
|
الإهداءات
07-27-2007, 11:18 AM
النمط الخطي
