فــــارس أحلامـــي

قناص المشاعر

السلام عليكم

إن شاء الله تعجبكم

هويته بصادق احساسي وغنيت الهوى مـــوال
شكيت جروحي والامي وهم ٍ في الحشا باقي

يعلمني الهجر والصد بكل فنونـــه والأشكــال
ويحرمني من احساسه ويقتل فينــي اشواقي

سلبني بنظرة عيونه وغير لحظه الأحــوال
ملكني فـ لحظة اعجابٍ و زود نبض خفاقــي

أنا ظنيت أحب غيره وغيره ما طرى ع البـال
ولا غيره من احبابي سكن في داخل اعماقي

تمنيت العمر قربه أعيشه في دفــى ووصال
ولكن فارس أحلامــــــي قتلها واحرق اوراقي

يعذبني وينساني ولا ينشد أبد ع الحـــال
أبد ما يهمه احساسي ولا حبي ولا اشواقـي

وعدني بكلمته يبقى وكلمات الهوى تنقال
وعدني وللأسف أخلف وعوده وخان ميثاقي

حسافة طالت دروبه وليلي بالمواجع طال
وأنا تهزمني الدمعة وتترك لي الأسى باقي

حبيبي لا تعذبني ولاتسمع من العذال
وراعي قلبي واحساسي ويكفي بعد وفراقي

اتمنى ان تنال اعجابكم

سلطااان

قناص المشاعر


كلام جميل وحروف معبره سلمت يداك أخي الغالي


تقبل مروري


أخوك /// سلطااان

قناص المشاعر

مشكور اخوي على المرور الجميل

يعطيك العافية