مع رئيس جهاز المخابرات

عبد الحميد بدوي

سالونى وقالولى بعد التحية والصراحة كلة كان مية مية
واوراقى سليمة وزى الفل مع ان فى الاساس
مفيش اوراق اول سؤال كان عندك عيال؟
قولتلهم عندى اتنين ومستنى التالت
قالولى كمان مش عامل تحديد النسل؟
انت عايز نربوك ونربوا العيال كمان مش تخلى عندك اصل
قالتلهم اصل انا لية فى الحكاية دية راى
سيادتة رد وقال وكمان ليك راى
قولتلهم هية الخلفة سيادتك حرام
رد سيادتة وكمان اتتكلم فى الحلال والحرام
انت شكلك كدة ارهابى
قولتلهم لا واللة انا بس بقو ل اسبابى
رد سيادتة هو احنا علشان سمعنا ليك كلمتين
علشان تعرف ان احنا ديمقرطيين
اتقول اى كلام وتعمل معانا حوار
انت دلوقتى فى قلب جهنم يعنى فى وسط النار
اتعمل اية قولتلهم ادعى واقول استر يا ستار
وطبعا فى وسط الحديث كان القلم ينزل يرن
متعرفش ليةلانة مضروب بفن ودة اساس الامن
هنا كل حاجة بتتعمل بنظام علشان خاطر النظام يقدر يتوغل و يستمر
ورجع يقوللى احنا ما ظلمناش حد ، قولتلة داانتم اساس العدل
قا لي لو ظلمنا هانظلموا عشرة والا عشرين
والا مية والا متين والا الف والا الفين
علشان الناس تعيش ، هوة دة مش هدف نبيل؟
قلتلة نبيل اللي جنبنا بيبيع طعمية
قالي بمناسبة الطعمية شوفت طست الزيت؟
قلتلة الصراحة بيبقي علية زحمة
قالي سيادتة انا هاعملك طعمية باللحمة
قولتلة علي اية دا كلة هوة مافيش في قلبك رحمة؟
قالي لا فية .. فية في قلبي كفتة باللحمة
قولتلة سندويتشات والا برضة بيبقي فية زحمة

بيقولي سيادتة عارف القفي يقفى معمول لية
قولتلة سؤال صعب سيادتك ما اجاويبش علية
قاللي انا اقولك لية
قولتلة سيادتك لية؟
قالي علشان نجربوا كف الامين علية
قولتلة امين مين ؟
قالي علي اية
ونادالي سعادتة الامين
والصراحة مش عارف قفايا مش مشجعة
وكل اللى ضربة قلمين
وساعتها بس عارفت انا فين
قالة سيادتة اية رايك بالنسبة للمولود الجديد
بدل ما انت مستنية نخلية هو اللى يستناك من حقنا نعملولك مفاجات
قولتلهم وعلى اية وقالى بالمنسبة دا اذا ربنا حياك
انت ناوى تسمية اية قولتلهم اسمية امين بعد القلمين


رد سيادتة وبصلى من تحت للفوق وقالى انت لابس كدا لية
قولت قميص وبنطلون هوسيادتك فية اية؟
رد قالى هو انت اللى هاتسألنا والا اية
نطق سعادتة وقالى القميص بيكم وقولتلة
هى دى مخالف للقانون هو دة حاجة تهم؟
رد سيادتة وقالى هو انت كمان اتدخل فى شغلنا اتلم!
وبعد احلى تحية جانى كذا قلم هدية
بصلى وقالى انت شكلك كدا بتشم
قولتلة سيادتك انا عندى اللحمية
قالولى تصدق ان دمك خفيف شوية
وعلشان كدا احنا هانتوصوا بيك
بس انا مش عجبانى حاجة قولتلة سيادتك ربنا يخليك
قالى القميص..، قولتلة المربعات اللى فية مش متظبطةولا الزارايرر ولا اللون
قالى سيادتة لاالكمام اية رايك لما يبقى بنص؟
قولتلة على طول قص سيادتك بتاخد رايى
قالى علشان تعرف ان احنا بنحبوا الحوار
شوفت ازى قولتلة سيادتك صاحب القرار
قالى طب والبنطلون اية رايك لما يتعمل شورط؟
دى سيادتك كدا انت بتدلعنى احلى دلع،فى الكون
رد وقالى تصدق انك بقيت جدع وبدءت تفهمنى وتعرف النظام
قولتلة انا فى الخدمة وتحت امر الامن العام والامن الخاص
وامن البدنجان واى حاجة فى مصلحة النظام تلاقينى خدام


قالى بس فية حاجة قولتلة اية واللي تأمر بية؟
قالى احنا لما بنقطعوا مابنقطعوش قماش
قلت ازى ياافندم سيادتك
رد احنا بنقطعوا ايادى ورجول
وصوبعك اللى كلها فن فى اكل العدس والفول
واللى نازل بيها كتابة زى ما تقول قول
وقاعد تقول اشعار ضد الحكومة وضد النظام
وناسى انك محكوم من يوم ما اتولدت لحد اليوم المعلوم
اية رايك ان احنا انعملولك عملية تفصيل من جديد
تستقبل بية المولود السعيد بالعربى هنعملولك عملية قص
وبدل ماانت واحد صحيح هانعملوك نص
اية رايك لما نحطوك تحت المخرطة ولا نجربوا بالمقص

قولتلهم ان كان البنطلون والقميص معلش
انما موضوع ايدى ورجلى ميحكمش
قولتهم طول عمرى بحب البلد وتراب البلد
ولو فتشتونيى اتليقوا جويا بيوت وشوارع البد
رد سيادتة وقالى ما احنا البلد
وواجب علينا نعلموك تحبنا ازاى
علشان مبيقاش الموضوع جاهجهونى
رديت قولتلهم واللة العظيم عندكم حق
انا طول عمرى بشكر فى فى رجال المخابرات وكل اجهزة البلد
وبقول همااللى مستحملين بلاوى البلد
قالى سيادتة مش قولتلك احنا البلد
قولتلة قصدى الشعب
قالى ما احنا برضة الشعب
قولتلة انتم البلد والشعب وامال السبعين مليون دول مين
دول اللى شيلين الطين وشربين المر وشافيين الذل
قالى دول اللى جابيين للبلد العار المرض والسل
المرة دى انا اخليك تمر واتبقى بالنسبة لك شدة ودن

قولتلهم واللة العظيم انتم خيركم على الكل
والبلد زى الفل وانا قلبى من نحيتكم طارح جانيين تل
وطارح وردو ياسمين وفل
انا مش عارف الناس دى عايزة اية الناس دى خلتها خل
ربنا يخلينا الحكومة وياخد الناس ما بيجيش من وراهم اللى المرض وتعب القلب
ويخلينا رجال المخابرات واجهزة الدولة ورجال المخابرات ورجال الامن
واية يعنى امايبقوا اكتر من الجيش واية يعنى اما يبقوا اكتر من الناس
واية يعنى لما يوعوا الناس مهما فى البلد النظام والحكم وهما الاساس

وقمت من النوم زى المجنون مفزوع راسى خبطط فى الثقف
احسس على ايدى ورجلى
واخد عيالى فى خضنى واعد فى صوابعى وادور على دفترى وقلمى
وربنا يستر عالكل ونحسوا ان البلد بلدنامش قعدين فى مدن الرعب
وبيقولك بلد الامن والامان اوعة اصحة فوق شجع ا لنظام علشان تعرف تنام
فى حضن العيال كل اللى عليك تقول كلة تمام وتدعى للريس

@ دايـــم السيف @