|
|
|||||||
 |
|
|
LinkBack | خيارات الموضوع | طريقة العرض |
05-10-2005, 07:11 PM
|
رقم المشاركة : 1 | |
|
|
...... قــــــــــالـــت بـــــــــــدو ......
وصـلتنـي رسـاله وفيـها طلـب لقصـيده (( قالت بدو )) ولو مقطـع منهــا
وحبيت أنقــلها لكــم كــاملـه وهـي قصيدة طلال السعيد المشهوره " قالت بدو " التي حارب فيها بشراسه عن بدواته وافتخر فيها بأصله فكانت هذه القصيده دائمًا مرتبطه ومع اسم هذا الشاعر الرائع طلال السعيد أترككم معها كاملةً .. وأتمنى لكم المتعه .. × × وقــالت بــدو × × وقالت بدو وصدت وقالتها بقرف بنت الأكابر والترف متكبره .. متعاليه يعني بدوي يقعد طرف !! قالت بدو والمعنى دون المستوى ماحنا وياها سوى احنّا بنظرها من نكون ؟ ريشة يطيرها الهوى مفهومهما حنّا عدد رقم ولا أكثر بعد يعني مجرد تكملة ولا فهي أصل البلد قال بدو تعني صفر على الشمال هذا على أحسن احتمال تصدر حكم ، ما تلتفت تحكم ولا تترك مجال قالت بدو متصورتني باستحي وأترك مكاني وانتحي وتفاجئت ، تغيرت ، تلعثمت ما تدري أني بافتخر ولي الفخر !! حنّا بدو حنّا عمى عين العدو حنّا البداوة وضعنا وأهل الوفا هم ربعنا حنّا نتفاخر بأصلنا يا بنت هذا طبعنا ماهي بداوة تلفزيون ولا مسلسل أردني بس بدوي بالميكرفون ولا هد سيفه ينثني ولا بدو بيت السدو حنا البدو حنا بداوتنا الأصل بالقمة حنّا مو أقل حنّا بداوتنا تراث من جيل لي جيل انتقل حنا معاني ساميه نروي السيوف الضامية نرد المنايا ما نهاب لو هي سعاير حاميه حنّا بدو حنّا البداوة عيدنا ما ناكل إلا صيدنا ما نعيش عالة مجتمع نموت .. ما نمد أيدنا حنّا البدو حنّا البداوة بدمنّا ما نسمي أحدٍ عمنّـا حتى ولو منهو يكون لو هو زعل ما همنّا حنّــا بدو حنّـا البداوة عمرنا ماحد بيصبر صبرنا لأنها مصنع للرجال نمشي وتمشي بأمرنا حنّــا البدو حنّا البداوة أصلنا حنّـا البداوة فصلنا حنّـا بدو متماسكين وهذي نتيجة وصلنا يا بنت ياللي تضحكين قلتي : ابدوي تستهزئين؟ غرك لباسك الأجنبي والمشكلة ما تعرفين أن البدو أصل العرب تبغين هالكلمة طرب صارت نشب يا آنــســة يـا عانســة يا ضايعــة ومستانســة يا تارسة وجهك صبغ يا تارسة عينك شدو حنّــا البدو ولو كان قلتيها بقرف لنا الشرف أنّــا بدو حنّــا بدو حنّــا بداوتنا شيم ديــن وقيّــم معنى كبيــــر ما أظن مثلك يعرفه لو تدعين المعرفه شي عسيـــر ما أظن مثلك ياصله صعبه ولاهي حاصله كلمة بدو !! تعني التمسك بالجذور ماهو التخلف والجهل ولا بعد حب الظهور ولا التنكر للأهـــل كلمة بدو تعني الشمم فعل وكرم مبدأ حضارات الأمم حنّــا القمم نارٍ على راس العلم يشهد لنا سيف وقلم وإن كان ما عندك خبر لنا الفخر لو عشنا ببيوتٍ شعر .. عيشة ألم .. عيشة فقــر .. عيشة تعلمنا الصبر ما نقترض لجل السفر ونحسّب أيام السفر ما نفترض ونعيش واقعنا بحذر وبالضيق نرخص بالعمر نشرب من الماي الهماج ونكحل نواظرنا بعجاج وغسيلنا حفنة رمل هــي الدوا واهي العــلاج عيشة رضــا ماهي نكــد !! ما فيها تعقيد أبد ساعات ما نلقى ذرا يكفي نتلحف بالنجوم وفراشنا رمل الثرى وسراجنا نور القمر لا من ظهــر وننام من عقب العشا ونصحى قبل وقت الفجر نؤمن بقضانا والقدر ماهو كســل ولا نعيش بلا أمــــــــل نملك طمـــوح علــم وأمـــل ونرعــى الإبــل ونــرعى الغنم ونعزف من الونه نغــم ونتابع أخبار المطر وندوّر الروض الخَضَر ونسري ورا برقٍ سرى ولا نتراجع للورى ونبحث عن المرعى العشيب ومن شعيب إلى شعيب ما نستقــر عنواننا كل الديار تجوالنا ليل ونهــار نعيش عيشه هاديه وهذي حياة الباديه سنة الربيع ، سنة دهر ورغم الفقر نخاف من قولة أفا ونتعب على قولة نِعِم ونعيش عاليين الهمم من فضل ربي ما نخون نرعــى الذمم ونركض ونتعب ما نمل ماحنا مثلك لا شغل ولا عمل ما غير بس أكلٍ ونــوم ومن الشحم ضاقت عباتك والهدوم يا أسمن أنواع الحريم يا عايشه على الريجيم يا آنــســة يـا عانســة يا ضايعــة ومستانســة يا تارسة وجهك صبغ يا تارسة عينك شدو حنّــا البدو ولو كان قلتيها بقرف لنا الشرف أنّــا بدوي ياللي تقولين ابدوي أنا ابدوي ولي الفخر أني ابدوي عزمي قوي ما أخون ما أبوق الخوي يبدأ نهاري بالصلاة وأصارع أمواج الحياة ما ضاقت الدنيا أبد ولاني من أصحاب الحسد أرفع ايديني للسما وأطلب من الله واستخير ما اقول يمكن ربما ولا يصير .. أو ما يصير محافظ على الخمس الفروض واضح ولا أحب الغموض ولا أتلون والتوي لاني ابدوي متمسك بأصالتي ولا أغير لهجتي أنا ابدوي في فزعتي وفي قومتي وبقعدتي وفي مشيتي وفجلستي وفي كلمتي وبنخوتي وحتى عقالي ولبستي ولو قلتي عني فوضوي ما ضرني بالحيل يا بنت ابدوي ويسرني أعرف .. من أنتي ؟ ومن أنا ؟ والفرق واضح بيننا تدرين وأدري من أكون ؟ ويكفينا نعرف بعضنا أنتي مثل عمر الزهور مالك عمر مالك سنين شهرين ويجيك الجفاف وتذبلين وتصبح ألوانك باهتة وأنا جذوري ثابته ماخذ من الصحرا الهدو وإن كان هذا يسعدك حطي على راسك يدك هالمرة لا قلتي بدو يا تارسه وجهك صبغ يا آنــســة يـا عانســة يا ضايعــة ومستانســة يا تارسة وجهك صبغ يا تارسة عينك شدو حنّــا البدو ولو كان قلتيها بقرف لنا الشرف أنّــا بدوي ،،،، أتمنـــــى أنــي وفقــت فــي تلبيــة طـــلبك أخـــــوي ،، آخر تعديل بنت ابوها يوم 05-10-2005 في 08:47 PM.
|
|
|
|
05-14-2005, 01:26 PM
|
رقم المشاركة : 4 | |
|
|
مشكوره يابنت ابوها على المجهود الرائع الذي تبذلينه
تعبتي فأبدعتي وتميزتي تقبلي احترامي لشخصك الكريم |
|
|
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
| خيارات الموضوع | |
| طريقة العرض | |
|
|
دردشة ا دردشه ا دردشة صوتية ا دردشة الخليج ا دردشة كتابية ا شات
النمط الخطي
